Tedeh Kel - Maharani br Tarigan

Ting...cuba begikendu lagu enda
Sikutulis man bandu
Kuendeken pe bandu
Ma giniting...tersinget tesena tigan bandu
Kutulis lagu enda iteruh terang bulan
Kubayangken senyumndu
Senyumindu kel aku
Gejabndu nge pusuhku ma iting tedeh kel ateku kena

Ting....uga gundari berita kena
Ngarap nende tigandu
Kam kejuah-juahen
Ma ginting laniarap enggo telu bulanna
Kita lanai jumpa
Kita lanai ngerana

REFF :

Maginting aku lakel ngasup ndauh ras kena
Maginting aku lakel ngasup sirang
Ngaku salah tigandu ibas mosar arihta
Sipekena min kerina si enggo ceda

Ija silapoya ngaku salah tigandu
Jumpa ngerana min kita
Maginting tedeh kel ateku kena

BAN LAKAM E -NARTA PERANGIN-ANGIN

Ndekahme aku enggo ertima
Ndekahme aku enggo terdaram
Lakel enggo lit perubaten ibas arihta
Tapi tande bulanna lakam erberita
Nde tigan sehkel ukurndu bagenda

Ndekah me kuarapken kita jumpa
Ban ndekah kita lanai ngerana
Lanai terkira tanah tedehku man bandu
Enggo ser-ser kahe kalo kusulu-sulu
Ija nande tigan tambar tedehku

Ibas sadawari laniarap jumpa kita
Lamalem tedehku tapi ceda kel pusuhku
Lupaken kel aku ulanai inget nindu
Si enggo-enggo Ta lupaken kerina Nindu

REFF :
Nukah saja kin adi ngerana
Perban lakam siterbayang tiap wari Gi
Lakam silabaci tunduh berngi e
Lakam silabaci bengket man e
Lakam nde Tigan arah aku e

Lukah saja kin adi ngerana
Perban lakam siterdaram sedekah e
Lakam siterndele perbahan tedeh e
Lakam kelungenen ibas meriah e
Lakam nde tigan arah aku  e

NGERAYU -NARTA PERANGIN-ANGIN

Enggo ndekah kita erteman teman
lalit ranandu erbuku man tagangen
wari simentas lanai mbera mulihken
Ngasa ndigan nangindu
Ngararapken la latuhu
Lakinlah aku bandu
Terjeng barang sampingendu

Begiken laguku enda man bandu
kuendesken kerina isi pusuhku
Ndigan warina kita baci ersada
Enggo lima tahunna
Manangin sambar ertima
Mbiar kel aku dungna
Arihta Sia-sia

REFF :

Rumah mbaru erjendela kaca
Turah ukurku aru  lalah kena main-main saja
Pucuk kucinta ulam mbue duruhna
Dagingku enggo metua taren ngarapken kena
Nande biringku nungkun nangindu
Bahan katandu arah ukurndu
Asa beluhku lagu enda ngerayu bandu

MEJUAH-JUAH KITA KERINA

Lalit Dua -AVEIANA BARUS

Setumba sukat-sukatna

Ateku keleng ma biring

Empat gantang kuberekn man bandu

Enggo turah kepe uratna

Ateku keleng man bandu

Adi sirang lanai aku ngasup

Cike lambang bungana

Lada jera gula batuna

Ise pe la gunana

Sada kam teku ngena

Duri ras suga gia

Siman bentasen Ma biring

Laku mbiar gelah jumpa ras kena

Mesera kin pe geluhta 

Ngasup nge aku mesayang

Gelah ras kita ngasa metua

Ikan kepala batu

Cina dua dua 

Enggom nanam rendang lembu

Adi ras kita mansa

REFF :  2x

Ise pepagi ngolangi arihta

Lanai mbera mosar rakutna

Ise pepagi si nggodasa

Nde karo lanai tergoda

labo terjeng ngerana

kena ateku ngena mabiring

Pusuhku ngatakensa

Sada kena ngenca lalit dua

MEJUAH JUAH KITA KERINA